"அம்மா நான் உங்க வீட்டு பிள்ள.. கூப்பிட்ட குரலுக்கு ஓடி வந்துருவேன்" - அதிமுக வேட்பாளர் வாக்குறுதி

திருச்சி தொகுதியில் போட்டியிடும் அதிமுக வேட்பாளர் கருப்பையா, பொதுமக்களை சந்தித்து தீவிர வாக்குசேகரிப்பில் ஈடுபட்டார். மூத்தாம்பட்டி, வைத்தூர், சினையக்குடி உள்ளிட்ட பகுதிகளில் தனக்கு ஆதரவு திரட்டினார். பெண்கள் ஆரத்தி எடுத்து வேட்பாளர் கருப்பையாவை வரவேற்றனர். பின்னர் பிரசாரம் செய்த வேட்பாளர் கருப்பையா, எதிர்க்கட்சி வேட்பாளர்கள் வருவார்கள் போவார்கள் என்றும் எதையும் செய்ய மாட்டார்கள் என்றார். நான் உங்கள் வீட்டு பிள்ளை, உங்கள் பிரச்சினைகளை தீர்க்க நாடாளுமன்றத்தில் குரல் கொடுப்பேன் என உறுதி அளித்து வாக்கு சேகரித்தார்.