ஈரோடு பிரசாரத்தின் போது இனிய நண்பரும், திமுக தலைவர், முதலமைச்சர் மு.க.ஸ்டாலினோடு உரையாடியதாக,மக்கள் நீதி மய்யம் தலைவர் கமல்ஹாசன் தெரிவித்துள்ளார். 2024 நாடாளுமன்றத் தேர்தலில் 40 தொகுதிகளிலும் திமுக தலைமையிலான கூட்டணி வெற்றி பெற ஆற்ற வேண்டிய காரியங்களைப் பற்றி இருவரும் பேசிக்கொண்டதாக தமது டுவிட்டர் பக்கத்தில் தெரிவித்துள்ளார். ஜூன் 4-ஆம் தேதி பிறக்கவிருக்கும் புதிய இந்தியாவிற்காகவும், தமிழ்நாடு அடையவிருக்கும் புதிய உயரங்களுக்காகவும் பரஸ்பரம் ஒருவரையொருவர் வாழ்த்திக்கொண்டோம் என பதிவிட்டுள்ளார்.