நாடாளுமன்றத் தேர்தலில், தி.மு.க - காங்கிரஸ் இடையே தொகுதி பங்கீடு குறித்து நாளை பேச்சுவார்த்தை நடைபெறுகிறது.

மக்களவைத் தேர்தலில் கடந்த முறை காங்கிரஸ் கட்சிக்கு 10 தொகுதிகள் ஒதுக்கப்பட்டன. 9 தொகுதிகளில் காங்கிரஸ் கட்சி வெற்றி பெற்றது. இந்த முறை காங்கிரஸ் கட்சிக்கு தமிழகத்தில் ஏழு இடங்களும், புதுச்சேரியில் ஓர் இடமும் என எட்டு இடங்களை தி.மு.க ஒதுக்க உள்ளதாக கூறப்படுகிறது. இதன் காரணமாக தமிழக காங்கிரஸ் கமிட்டி தலைவர்கள் சில நாட்கள் டெல்லியில் முகாமிட்டனர். காங்கிரஸ் கட்சிக்கு தமிழ்நாட்டில் மக்களவையில் 10 இடங்களும், புதுச்சேரியில் ஒரு இடமும் கேட்க வேண்டும் என அகில இந்திய காங்கிரஸ் தலைவர் மல்லிகார்ஜுன கார்கே அறிவுறுத்தியதாக தகவல் வெளியானது. இந்நிலையில் இன்று தமிழக மேலிட பொறுப்பாளர் அஜோய் குமார் சென்னை வருகிறார். நாளை தி.மு.க - காங்கிரஸ் இடையே அடுத்தக்கட்ட பேச்சுவார்த்தை நடைபெற உள்ளது.