தமிழகத்தை உலுக்கிய மர்ம கொலைகள்..தடயமே இல்லாமல் செய்த கொலையாளிகள் - தலையை பிய்த்து கொள்ளும் போலீஸ்

தமிழகத்தை உலுக்கிய மர்ம கொலைகள்..தடயமே இல்லாமல் செய்த கொலையாளிகள் - தலையை பிய்த்து கொள்ளும் போலீஸ்

கடலூர் அருகே ஒரே குடும்பத்தை சேர்ந்த 3 பேர் கொல்லப்பட்ட வழக்கில் போலீசார் தீவிர விசாரணை நடத்தி வருகின்றனர்.கடலூர் அருகே காராமணிக்குப்பத்தைச் சேர்ந்த சுரேஷ்குமார் - கமலேஸ்வரி தம்பதியரின் மகன்கள் சுரேந்திரகுமார், சுகந்த்குமார். இதில், சுகந்த்குமார் திருமணமாகி விவாகரத்து பெற்ற நிலையில், தனது மகன் நிஷாந்துடன் காராமணிக்குப்பத்தில் தாயாருடன் வசித்து வந்தார். இந்நிலையில், கமலேஸ்வரி, சுகந்த்குமார், நிஷாந்த் ஆகிய மூவரும் வீட்டில் சடலமாக கிடந்தனர். அவர்கள் கொலை செய்யப்பட்டு எரிக்கப்பட்டது போலீஸ் விசாரணையில் தெரியவந்தது. கொலையாளிகளைப் பிடிக்க தனிப்படை அமைக்கப்பட்ட நிலையில், சுகந்த்குமாரின் சகோதரர் சுரேந்திரகுமார் உட்பட 106 நபர்களிடம் போலீசார் விசாரித்தனர். சுகந்த்குமார் பெங்களூருவை சேர்ந்த அஞ்சு சுல்தான் என்பவரை விவாகரத்து செய்த நிலையில், அவரிடமும் போலீசார் விசாரணை நடத்தினர். இந்த வழக்கில் துப்பு கிடைக்காத நிலையில், விசாரணையை தீவிரப்படுத்தியுள்ள போலீசார், 3 பேர் கொல்லப்பட்ட நேரத்தில், வீட்டின் அருகில் பதிவான செல்போன் சிக்னல்களை ஆய்வு செய்து வருகின்றனர்.