"எத்தனை வேலை கொடுத்தாலும் செய்பவர் எ.வ.வேலு" - முதல்வர் ஸ்டாலின் புகழாரம்

திருக்குறளையும் கலைஞரையும் இணைத்து, கலைஞர் எனும் தாய் என்ற நூலை எழுதிய அமைச்சர் எ.வ.வேலுவை, முதலமைச்சர் மு.க.ஸ்டாலின் பாராட்டியுள்ளார்.சென்னை கலைவாணர் அரங்கத்தில், அமைச்சர் எ.வ.வேலு எழுதிய 'கலைஞர் எனும் தாய்' என்ற நூல் வெளியீட்டு விழா நடைபெற்றது. இதில், முதலமைச்சர் மு.க.ஸ்டாலின், அமைச்சர் உதயநிதி ஸ்டாலின், நடிகர் ரஜினிகாந்த், நூலை எழுதிய அமைச்சர் எ.வ. வேலு மற்றும் அமைச்சர்கள், மூத்த பத்திரிக்கையாளர்கள், திமுக எம்.பி.க்கள், எம்எல்ஏக்கள் உட்பட ஏராளமான மூத்த நிர்வாகிகள் கலந்து கொண்டனர். நிகழ்ச்சியில் 'கலைஞர் எனும் தாய்' என்ற நூலை முதல்வர் ஸ்டாலின் வெளியிட, நடிகர் ரஜினிகாந்த் பெற்றுக் கொண்டார். பின்னர் நிகழ்ச்சியில் பேசிய ரஜினிகாந்த், கலைஞர் குறித்து மேலும் அதிகமான நூல்கள் வெளியாகும் என்றும், அவரைப்பற்றி படம் எடுக்க வேண்டும் என்றும் கேட்டுக் கொண்டார். தொடர்ந்து பேசிய முதல்வர் ஸ்டாலின், எத்தனை வேலை கொடுத்தாலும் செய்பவர் எ.வ.வேலு என்றும், எழுத்திலும் வல்லவர் என்பதை நிரூபித்துள்ளதாகவும் புகழாரம் சூட்டியுள்ளார்.