"மக்களை திசை திருப்புகிறார், பிரதமர் மோடி" - ராகுல்காந்தி கடும் தாக்கு

ஹரியானா மாநிலம் மகேந்திரநகர் என்ற இடத்தில் நடைபெற்ற மாபெரும் தேர்தல் பிரசாரக்கூட்டத்தில் பங்கேற்று பேசிய அவர், பிரதமர் மோடிக்கு, பொருளாதாரம் பற்றி எதுவும் தெரியாது என்றார். 2004 முதல் 2014 ம் ஆண்டு வரை, இந்திய பொருளாதாரம் வளர்ந்தது என்றும், இதற்கு காரணம் 100 நாள் வேலை திட்டம் - விவசாய கடன் ரத்து ஆகியவை தான் என்றும் ராகுல்காந்தி குறிப்பிட்டார். இதனிடையே, பிரசாரம் முடிந்து, மகேந்திரகர்க் பகுதியில் இருந்து புறப்பட்ட ராகுல்காந்தியின் ஹெலிகாப்டர், மோசமான வானிலை காரணமாக, ரிவாரி என்ற இடத்தில் ஒரு கல்லூரி மைதானத்தில் தரையிறங்கியது. பின்னர், கார் மூலம் ராகுல்காந்தி, புதுடெல்லி புறப்பட்டார்.