நாளை மறுநாள் காங்கிரஸ் எம்பிக்கள் கூட்டம் : மக்களவை காங்கிரஸ் தலைவர் தேர்வாகிறார்

காங்கிரஸ் நாடாளுமன்றக் குழு கூட்டம், ஜூன் 1-ம் தேதி நாடாளுமன்ற வளாகத்தில் நடைபெறுகிறது. தேர்தலில் வெறும் 52 இடங்களை மட்டுமே பெற்றதால், எதிர்க்கட்சி அந்தஸ்தை 2வது முறையாக இழக்கும் நிலைமை காங்கிரசுக்கு ஏற்பட்டுள்ளது. பாரம்பரிய தொகுதியான அமேதியில் தோல்வியடைந்ததால் ராகுல் காந்தி அதிர்ச்சி அடைந்துள்ளார். இதனால், கடந்த 25ம் தேதி நடந்த கட்சியின் காரிய கமிட்டி கூட்டத்தில் ராஜினாமா முடிவை அவர் அறிவித்தார். அதை காரிய கமிட்டி ஏற்க மறுத்த நிலையில், புதிதாக வெற்றி பெற்ற காங்கிரஸ் எம்பி-க்கள் கூட்டம், டெல்லியில் நாளை மறுநாள் நடைபெறுகிறது. இந்த கூட்டத்தில் நாடாளுமன்ற மக்களவை குழுவின் புதிய தலைவர் தேர்வு செய்யப்படுகிறார். கடந்த மக்களவையில் காங்கிரஸ் குழு தலைவராக இருந்த மல்லிகார்ஜுன கார்கே, இந்த முறை தோல்வியடைந்தது குறிப்பிடத்தக்கது.