திமுக எம்.எல்.ஏக்கள் கூட்டம் : மு.க. ஸ்டாலின் தலைமையில் ஆலோசனை

திமுக சட்டமன்ற உறுப்பினர்கள் கூட்டம் சென்னை அண்ணா அறிவாலயத்தில் அக்கட்சியின் தலைவர் மு.க. ஸ்டாலின் தலைமையில் மாலையில் நடைபெற்றது. இந்த கூட்டத்தில் திமுக எம்.எல்.ஏக்கள் அனைவரும் கலந்து கொண்டனர். சட்டப்பேரவை கூட்டத்தின் போது விவாதிக்கப்பட வேண்டிய விஷயங்கள் குறித்து விவாதிக்கப்பட்டது. குறிப்பாக, தூத்துக்குடி- ஸ்டெர்லைட், மேகதாது, கஜா புயல் நிவாரணம் உள்ளிட்ட பிரச்சினைகளை பேரவையில் எழுப்புவது என கூட்டத்தில் முடிவு செய்யப்பட்டது. இதுதவிர திருவாரூர் இடைத் தேர்தல் குறித்தும் இந்த கூட்டத்தில் விவாதிக்கப்பட்டதாக தகவல் வெளியாகி உள்ளது.