"என்ன ஒரு புத்திசாலித்தனம்..!" காரின் இன்ஜினில் பதுக்கிய பணம்... கண்முன்னே கருகி நாசம்

தெலுங்கானாவில் தேர்தல் நடைபெறுவதால், பணம் கொண்டு செல்வதை தடுக்க கண்காணிப்பு தீவிரப்படுத்தப்பட்டுள்ளது. இதனால், நூதன முறையில் பணம் மறைத்து எடுத்துச் செல்லப்படுகிறது. இந்நிலையில், பொலிகுண்டா கிராமம் அருகே தேசிய நெடுஞ்சாலையில் சென்று கொண்டிருந்த கார் ஒன்றின் இன்ஜினில் இருந்து திடீரென்று புகை வர தொடங்கியது. கிராம மக்கள் தண்ணீரை ஊற்றி தீயை அணைத்துவிட்டு, காரின் பேனட்டை திறந்து பார்த்துள்ளனர். அப்போது, உள்ளே 500 ரூபாய் பண்டல்கள் எரிந்து சாம்பலாயிருந்த‌தை பார்த்து அதிர்ச்சி அடைந்தனர். எரியாத பணக் கட்டுகளை எடுத்துக் கொண்டு அவர்கள் ஓட்டம் பிடித்தபோது, காரில் வந்தவர்கள் வேடிக்கை மட்டுமே பார்த்தனர். தகவலறிந்து சென்ற காவல்துறையினர், எரிந்த நிலையில், இரண்டரை லட்சம் ரூபாயை மட்டும் மீட்டனர். இதுகுறித்து வழக்குப்பதிவு செய்து விசாரணை நடத்தி வருகின்றனர்