உயிருடன் வந்த கொலையான நபர்..?கைதான மனைவிக்கு காத்திருந்த அதிர்ச்சி.. போலீசாருக்கு சிக்கல்

கேரளாவில் கொலையானதாக கருதப்பட்ட நபர் உயிருடன் கண்டுபிடிக்கப்பட்டதை அடுத்து, கொலை செய்ததாக கைது செய்யப்பட்ட அவரது மனைவி விடுதலை செய்யப்பட்டுள்ள சம்பவம் பரபரப்பை ஏற்படுத்தியுள்ளது.

கேரள மாநிலம் கலைநூர் பகுதியை சேர்ந்த நவ்ஷாத் என்பவர், கடந்த 2021-ம் ஆண்டு மாயமானார். இதுதொடர்பாக விசாரணை நடத்தி வந்த போலீசார், நவ்ஷாத்தை கொலை செய்ததாக அப்ஷனாவை கைது செய்தனர். இருப்பினும் நவ்ஷாத்தின் சடலத்தை தேடி வந்த போலீசார், இடுக்கி மாவட்டம் தொடுபுழா தொம்மன்குத்து பகுதியில் அவர் உயிருடன் இருப்பதை கண்டுபிடித்தனர். அவரிடம் நடத்தப்பட்ட விசாரணையில், தன்னை தனது மனைவியும் அவரது உறவினர்களும் தாக்கியதாகவும், உயிருக்கு பயந்து வீட்டை விட்டு வெளியேறி தலைமறைவாக வாழ்ந்து வந்ததாகவும் நவ்ஷாத் கூறியுள்ளார். இந்த சம்பவம் அதிர்ச்சியை ஏற்படுத்திய நிலையில், கைது செய்யப்பட்ட அப்ஷானா விடுதலை செய்யப்பட்டார். இந்தநிலையில் தன்னை போலீசார் சித்திரவதை செய்ததாகவும், தன்னை தாக்கி கொலை செய்ததாக ஒப்புக்கொள்ள வைத்ததாகவும் அப்ஷானா குற்றஞ்சாட்டியுள்ளது, பரபரப்பை ஏற்படுத்தியுள்ளது.