நெடுஞ்சாலை நடுவில் கத்தி? - ஷார்ப்னா ஷார்ப்.. அப்படி ஒரு ஷார்ப்-ஒரு வெட்டு 2 துண்டு.. மக்கள் அதிர்ச்சி

புதுச்சேரி - கடலூர் நெடுஞ்சாலையில் அமைக்கப்பட்ட சென்டர் மீடியன் மிகக் கூர்மையாக இருப்பதாக குற்றச்சாட்டு எழுந்துள்ளது. சில நாள்களுக்கு முன்பு புதுச்சேரி - கடலூர் நெடுஞ்சாலையில் சென்டர் மீடியன் அமைக்கப்பட்டது. முன்பு அமைக்கப்பட்ட சென்டர் மீடியனை விட தற்போது உயரமாகவும் கூர்மையாகவும் அமைக்கப்பட்டுள்ளதால், விபத்தில் யாரேனும் தவறி விழும் பட்சத்தில் பாதிப்பு அதிகமாக இருக்கும் என மக்கள் தெரிவித்துள்ளனர். இந்நிலையில், சமூக ஆர்வலர் சுந்தர் ராஜன் என்பவர் அதன் கூர்மைத் தன்மையை விளக்கும் வகையில், சென்டர் மீடியனில் வெங்காயத்தை வெட்டிக் காண்பித்த வீடியோ இணையத்தில் பரவி வருகிறது.