"என் போட்டோ எங்கேயாச்சும் வந்தா.. உனக்கு மரணம் தான்" - போலீஸ் முன் ரிப்போர்ட்டருக்கு மிரட்டல்

என் போட்டோ எங்கேயாச்சும் வந்தா.. உனக்கு மரணம் தான்" - போலீஸ் முன் ரிப்போர்ட்டருக்கு மிரட்டல்

கேரளாவில் போதைப்பொருள் வியாபாரி ஒருவர், போலீசார் முன்னிலையில் செய்தியாளருக்கு கொலை மிரட்டல் விடுத்தவீடியோ சமூக வலைதளங்களில் வைரலாகியுள்ளது.

திருவனந்தபுரம் அருகே பூவச்சல் பகுதியைச் சேர்ந்த மாற்றுத்திறனாளியான பிரதீப் குமார், பல ஆண்டுகளாக மதுபானம் மற்றும் போதைப் ​பொருட்களை விற்பனை செய்து வருவதாக கூறப்படுகிறது. இவர் மீது பல்வேறு வழக்குகள் உள்ள நிலையில், காட்டாக்கடை அரசுப் பள்ளி அருகே உயர்ரக போதைப் பொருட்களை விற்பனை செய்வதாக போலீசாருக்கு ரகசிய தகவல் கிடைத்தது. இதன் அடிப்படையில், பிரதீப்குமாரை கைது செய்து காவல் நிலையத்திற்கு அழைத்துச் சென்றனர். அப்போது, புகைப்படம் எடுக்கச் சென்ற செய்தியாளருக்கு பிரதீப் குமார் பகிரங்க கொலை மிரட்டல் விடுத்தார். பிரதீப்குமார் மாற்றுத்திறனாளி என்பதால் மதுபானங்கள் விற்பனை செய்து வந்ததை பலரும் கண்டுகொள்ளாமல் இருந்த நிலையில், உயர்ரக போதை பொருட்கள் விற்பனை செய்யும் அளவுக்குச் சென்றதால் பொதுமக்கள் புகாரின்பேரில் போலீசார் கைது நடவடிக்கை மேற்கொண்டது குறிப்பிடத்தக்கது.