"கேரளாவை நெருங்கிய ஆபத்து..." ரெட் அலர்ட் கொடுத்த வானிலை மையம் | Red Alert

கேரளாவில் அடுத்த 24 மணி நேரத்தில், அதிகனமழைக்கான ரெட் அலர்ட் எச்சரிக்கை விடுக்கப்பட்டுள்ளது. குறிப்பாக மத்திய மற்றும் வடக்கு கேரளாவில், அதி கனமழைக்கான வாய்ப்பு உள்ளதாக இந்திய வானிலை ஆய்வு மையம் தெரிவித்துள்ளது. கடந்த 24 மணி நேரத்தில் அதிகபட்சமாக மலப்புரம், பாலக்காடு, கண்ணூர் மாவட்டங்களில் 20 சென்டிமீட்டருக்கும் அதிகமான மழை பதிவானதாக தெரிவிக்கப்பட்டுள்ளது. இதனிடையே, கேரளா மற்றும் கர்நாடகாவுக்கு அடுத்த 24 மணி நேரத்தில், வெள்ள அபாயம் மற்றும் நிலச்சரிவுக்கான எச்சரிக்கை விடுக்கப்பட்டுள்ளது. வடக்கு கேரளா, கடலோர கர்நாடகாவின் ஒரு சில பகுதிகளில் நிலச்சரி ஏற்பட வாய்ப்புள்ளதாக கூறப்பட்டுள்ளது.