ஊரையே அதிர வைத்த கார்...உள்ளே எட்டி பார்த்த மக்களுக்கு ஷாக்... விசாரணையில் பகீர் தகவல்

கன்னியாகுமரியில் சாலையோரம் நிறுத்தப்பட்டிருந்த காருக்குள், கேரளாவை சேர்ந்த கல்குவாரி உரிமையாளர் ஒருவர் கழுத்தறுக்கபட்ட நிலையில், கொலை செய்யப்பட்டு சடலமாக கிடந்த சம்பவம் அதிர்ச்சியை ஏற்படுத்தியுள்ளது.

கன்னியாகுமரி மாவட்டம் நாகர்கோவில் தேசிய நெடுஞ்சாலையில்... கேரள பதிவெண் கொண்ட கார் ஒன்று நள்ளிரவு முதல் சாலையோரம் நின்ற நிலையில், பொதுமக்கள் சந்தேகமடைந்து போலீசாருக்கு தகவல் தெரிவித்துள்ளனர். தகவலின் அடிப்படையில் சம்பவ இடத்திற்கு வந்த போலீசார், காரின் முன்பக்க இருக்கையில் ஓட்டுநர் கழுத்தறுக்கப்பட்ட நிலையில், கொலை செய்யப்பட்டு சடலமாக கிடந்ததை கண்டு அதிர்ந்து போயினர். கொலை செய்யப்பட்டவர்.... கேரளாவின் திருவனந்தபுரம் அடுத்த பாப்பனங்கோடு பகுதியை சேர்ந்த கல்குவாரி உரிமையாளர் தீபு என்பது தெரியவந்தது. தனது கல்குவாரிக்கு புதிதாக ஜேசிபி இயந்திரம் வாங்க 10 லட்ச ரூபாய் பணத்துடன் சென்னை வந்ததையும் போலீசார் கண்டறிந்தனர். காரில் பணம் ஏதும் இல்லாத நிலையில், கார் நின்றிருந்த இடத்தின் அருகேயுள்ள சிசிடிவி காட்சிகளை கைப்பற்றி போலீசார் தீவிர விசாரணை நடத்தி வருகின்றனர்.