மூதாட்டியை கல்லூரி மாணவர் தாக்கிய சம்பவம் - சிசிடிவி காட்சி

தெலுங்கானாவில் மனநலம் பாதித்த மூத்தாட்டியை சாலையில் இழுத்து சென்று தாக்கிய கல்லூரி மாணவரை சிசிடிவி காட்சிகளின் அடிப்படையில் போலீசார் கைது செய்தனர். ரங்கா ரெட்டியில் உள்ள ஷாத் நகரில் வசித்து வந்த 70 வயது மூதாட்டியின் உடலில் காயங்கள் இருந்ததை பார்த்த அப்பகுதியினர் விசாரித்துள்ளனர். அதற்கு, தன்னை யாரோ தாக்கியதாக மூதாட்டி கூறியதை அடுத்து, அங்கிருந்த சிசிடிவி கேமராக்களை ஆய்வு செய்யப்பட்டன. அதில், கல்லூரி மாணவரான பர்வேஷ், மூதாட்டியை தரதரவென சாலையில் இழுத்து சென்று தாக்கியது பதிவாகி இருந்தது. இதையடுத்து, அந்த மாணவரிடம் போலீசார் விசாரித்ததில், தன்னை திட்டியதால் மூதாட்டியை தாக்கியதாக கூறியுள்ளார்.