நூடுல்ஸ் தயாரிக்கும் தொழிற்சாலையில் விபத்து - கொதிகலன் வெடித்து 6 பேர் உயிரிழப்பு

பீகாரில் நூடுல்ஸ் தயாரிக்கும் தொழிற்சாலையில் கொதிகலன் வெடித்ததில் 6 பேர் உயிரிழந்ததாக போலீசார் தரப்பில் கூறப்பட்டுள்ளது.

பீகாரின் முஸஃபர்பூரில் இயங்கி வந்த நூடுல் தயாரிக்கும் தொழிற்சாலையில் இருந்த கொதிகலன் இன்று காலை வெடித்து சிதறியது. இதனால் தொழிற்சாலையின் மேல் தளம் இடிந்து விழுந்து சேதமடைந்தது. விபத்து நிகழ்ந்த போது  பணியில் இருந்த 6 தொழிலாளர்கள் உயிரிழந்ததாக முதற்கட்ட தகவலை போலீசார் தெரிவித்துள்ளனர். காயமடைந்த 12க்கும் மேற்பட்டோர் அருகில் உள்ள மருத்துவமனையில் அனுமதிக்கப்பட்டுள்ளனர். கொதிகலன் வெடித்த சத்தம் ஒரு கிலோ மீட்டர் தூரத்திற்கு உணரப்பட்டதாக அப்பகுதினர் தெரிவித்துள்ளனர். இதனிடையே இடிபாடுகளில் சிக்கியவர்களை மீட்கும் பணி துரிதப்படுத்தப்பட்டுள்ளது.