கடலுக்குள் மூழ்கிய நாய் - தண்ணீரில் குதித்து காப்பாற்றிய பிரணவ் மோகன்லால்

கடலுக்குள் மூழ்கிய நாயை, தண்ணீரில் குதித்து காப்பாற்றிய நடிகர் மோகன்லால் மகன் பிரணவ் குறித்த வீடியோ வைரலாகியுள்ளது. அந்த வீடியோவில், கடல் அலையில் அடித்துச் செல்லப்பட்ட நாய் ஒன்று, உயிருக்கு போராடியதை அறிந்த பிரணவ் மோகன்லால், நீச்சல் அடித்துச் சென்று நாயை காப்பாற்றும் காட்சி பதிவாகியுள்ளது. பின்னர், அந்த நாயை சக நாய்களுடன் சேர்த்து விட்டு நிம்மதி பெருமூச்சு விடுகிறார் பிரணவ். இந்த நெகிழ்ச்சியான சம்பவம், சென்னை கடல் பகுதியில் நிகழ்ந்திருக்கலாம் என, கூறப்படுகிறது. இந்த வீடியோ சமூக வலைதளங்களில் வைரலானதை அடுத்து, பிரணவ்வை பலரும் பாராட்டி வருகின்றனர்.