நடுக்கடலில் மூழ்கிய விசைப்படகு - கடலில் தத்தளித்த 10 மீனவர்கள் பத்திரமாக மீட்பு

கொச்சி அருகே படகு கவிழ்ந்து நடுக்கடலில் தத்தளித்த 10 மீனவர்கள் பத்திரமாக மீட்கப்பட்டனர். நாகை மாவட்டத்தை சேர்ந்த மீனவர்கள், கேரளா மாநிலம் கொச்சி துறைமுகத்தில் தங்கி மீன்பிடி தொழிலில் ஈடுபட்டு வருகின்றனர். வழக்கம்போல மீன்பிடிக்க சென்றபோது, படகின் அடியில் ஓட்டை விழுந்து கடல்நீர் மளமளவென உள்ளே புகுந்து முழுவதுமாக மூழ்கியது. படகில் இருந்து கடலில் குதித்த 10 மீனவர்களும் மீட்கப்பட்டு கரைக்கு கொண்டு வரப்பட்டனர். விபத்தில் 80 லட்சம் மதிப்பிலான விசைப்படகு கடலில் மூழ்கியது, நாகை மீனவர்களிடையே சோகத்தை ஏற்படுத்தியுள்ளது.