- உயர்நீதிமன்ற உத்தரவின்படி பிரபல ரவுடி சீர்காழி சத்யாவை பிடிக்க செங்கல்பட்டு மாவட்ட போலீசார் தீவிரம் காட்டி வருகின்றனர். சிறையில் இருந்து நிபந்தனைகளுடன் வெளியே வந்த சீர்காழி சத்யா, நிபந்தனைகளை நிறைவேற்றாததால் அவரை கைது செய்து சிறையில் அடைக்க போலீசாருக்கு நீதிமன்றம் உத்தரவிட்டது. இதற்கிடையே, தலைமறைவான சீர்காழி சத்யாவை பிடிக்க மாமல்லபுரம் காவல் ஆய்வாளர் பாலசுப்பிரமணியம் தலைமையில் தனிப்படை அமைக்கப்பட்டு தீவிரமாக தேடி வருகின்றனர். அவரை கைது செய்யும் பட்சத்தில் நீதிமன்றத்தில் ஆஜர்படுத்தி மீண்டும் அவரை குண்டர் தடுப்பு சட்டத்தின் சிறையில் அடைக்க போலீசார் திட்டமிட்டுள்ளனர்.