பழங்குடியின மக்களுடன் நடனமாடிய அமைச்சர் - "டீசன்ட் டான்சர்" என பாராட்டிய பிரதமர் மோடி

அருணாச்சல பிரதேசத்தில் கிராம வாசிகளுடன் சேர்ந்து நடனமாடிய மத்திய அமைச்சரை "டீசன்ட் டான்சர்" என பிரதமர் மோடி பாராட்டியுள்ளார். காசாலாங் கிராமத்தில் செயல்படுத்தி வரும் மத்திய அரசின் திட்டங்கள் குறித்து பார்வையிட சென்ற அமைச்சர் கிரன் ரிஜிஜூவுக்கு அங்கு வசிக்கும் மிஜி மற்றும் சஜோலாங் பழங்குடியின மக்கள் தங்களது பாரம்பரிய முறைப்படி நடனமாடி வரவேற்றனர். அவர்களை உற்சாகப்படுத்தும் விதமாக அமைச்சரும் நடனமாடினார். இது குறித்து டிவிட்டரில் கருத்து தெரிவித்த பிரதமர் மோடி, அருணாச்சலப் பிரதேசத்தின் உயிரோட்டம் நிறைந்த கலாசாரத்தைக் காண்பது மகிழ்ச்சி அளிப்பதாக பதிவிட்டுள்ளார்.