சோப்பு பெட்டிகளில் கடத்தப்பட்ட கஞ்சா - இருவரை கைது செய்து விசாரணை

அசாம் அருகே டிரக்கில் கடத்தப்பட்ட 4 கோடி ரூபாய் மதிப்பிலான கஞ்சாவை பறிமுதல் செய்த குற்றப்பிரிவு போலீசார், இருவரை கைது செய்தனர். டிரக்கில் கஞ்சா கடத்துவதாக வந்த தகவலை அடுத்து கவுஹாத்தி அருகே உள்ள ஜொராபாத் பகுதியில் குற்றப்பிரிவு போலீசார் சோதனையில் ஈடுபட்டனர். அப்பொழுது அவ்வழியாக வந்த டிரக்கை நிறுத்தி சோதனையிட்டதில் 60 சோப்பு பெட்டிகளில் கஞ்சா பதுக்கி வைத்திருந்தது தெரிய வந்தது. இதையடுத்து ஓட்டுநரையும், உதவியாளரையும் கைது செய்த போலீசார் அவர்களிடம் இருந்து 5 லட்சத்து 45 ஆயிரம் ரூபாயை பறிமுதல் செய்தனர். விசாரணையில் மணிப்பூரில் இருந்து கஞ்சா கடத்தி வந்ததாக கைதானவர்கள் தெரிவித்துள்ளனர்.