சாலை குழிகளை அகற்றும் தம்பதி; 11 ஆண்டுகளாக நற்பணி - ஓய்வூதிய பணத்தில் முன்னெடுப்பு

தெலுங்கானா மாநிலம் ஹைதராபாத்தில் 11 ஆண்டுகளாக சாலையில் உள்ள குழிகளை சரிசெய்து வரும் தம்பதியின் செயல் நெகிழ்ச்சியை ஏற்படுத்தியுள்ளது. ஹைதராபாத்தை சேர்ந்த ஓய்வுபெற்ற ரயில்வே அதிகாரி கங்காதர் திலக். இவர் தனது மனைவியுடன் இணைந்து கடந்த 11 ஆண்டுகளாக சாலையில் உள்ள குழிகளை சரிசெய்து வருகிறார். இவர்களது செயல் உள்ளூர்வாசிகள் மட்டுமின்றி தற்போது அனைவரது கவனத்தையும் பெற்றுள்ளது. சாலைகளில் உள்ள குண்டுகுழிகளால் நாள்தோறும் நிகழும் விபத்துகள் வருத்தம் அளித்ததாகவும், எனவே தனது ஓய்வூதிய பணத்தில் குழிகளை சரிசெய்ய தீர்மானித்ததாகவும் கங்காதர் திலக் தெரிவித்துள்ளார்.