ஊரடங்கு தடை உத்தரவு - போலீஸ் கையை வெட்டிய மர்ம நபர்கள் 7 பேர் கைது

பஞ்சாப் மாநிலம் பாட்டியாலாவில் இன்று காலை, 144 தடை உத்தரவை மீறிய மர்ம நபர்களை போலீசார் தடுத்து நிறுத்தி உள்ளனர். ஆனால் அந்த வாகனத்தில் வந்தவர்கள் போலீசாரின் தடுப்புகளை மோதிவிட்டு, ஒருகட்டத்தில் உதவி ஆய்வாளர் ஹர்ஜித் சிங் உள்ளிட்ட போலீசாரை கடுமையாக தாக்கிவிட்டு தப்பி தலைமறைவானார்கள். இந்த தாக்குதலில் ஹர்ஜித் சிங், கை துண்டிக்கப்பட்ட நிலையில், அவருக்கு தற்போது அறுவை சிகிச்சை மேற்கொள்ளப்பட்டு உள்ளது. படுகாயம் அடைந்த காவலர்கள் தற்போது சிகிச்சைக்கு அனுமதிக்கப்பட்டு உள்ளனர். இந்நிலையில், தாக்குதல் நடத்தி விட்டு தலைமறைவான 7 பேரை பஞ்சாப் போலீசார் அங்கிருந்த குருத்வாராவில் நீண்ட போராட்டத்திற்கு பின்னர் கைது செய்துள்ளனர்.