புதுச்சேரி சுற்றுவட்டாரப் பகுதிகளில் பரவலாக மழை

புதுச்சேரியில் கடந்த 3 நாட்களாக வெயிலின் தாக்கம் 100 டிகிரியை தாண்டியது. கடுமையான வெப்பம் மற்றும் அனல் காற்று வீசியதன் காரணமாக பொதுமக்கள் பகல் நேரங்களில் வீட்டை விட்டு வெளியே வராமல் தங்களின் வீடுகளிலேயே முடங்கி வந்தனர். இந்நிலையில் மாலையில் வானம் மேக மூட்டமாகி, புதுச்சேரி மற்றும் சுற்றுவட்டாரப் பகுதிகளில் சுமார் அரை மணி நேரத்திற்கும் மேலாக பரவலாக மழை பெய்தது. இந்த திடீர் மழை காரணமாக வெப்பம் தணிந்ததால் பொதுமக்கள் மகிழ்ச்சி அடைந்தனர்.