ஓடுபாதையை விட்டு விலகிய போர் விமானம் - மும்பை விமான நிலையத்தில் திடீர் பரபரப்பு
மும்பை விமான நிலையத்தில் இருந்து பெங்களூரு புறப்பட்ட ஏஎன் 32 ரக போர் விமானம் ஓடு பாதையை விட்டு விலகி சென்றதால் திடீர் பரபரப்பு ஏற்பட்டது.
பெங்களுருவில் உள்ள விமான படைத்தளத்திற்கு செல்வதற்காக இந்திய விமானப்படைக்கு சொந்தமான ஏஎன் 32 ரக போர் விமானம் மும்பையில் இருந்து புறப்பட தயார் ஆனது. விமான நிலையத்தில் 27-வது ஓடு தளத்தில் இருந்து போர் விமானம் சென்ற போது திடீரென பாதையை விட்டு விலகி சென்றது. இந்த சம்பவம் காரணமாக மும்பை விமான நிலையத்தில் 50 விமான சேவைகள் தற்காலிகமாக பாதிக்கப்பட்டது.