சென்னையில் உடல் நசுங்கி பலியான பிரபல நடிகர் மகன் - உடலை பார்த்து கதறி அழும் சோக காட்சி

சென்னை ஆர்.ஏ. புரத்தை சேர்ந்த சின்னத்திரை நடிகர் கார்த்திக்கின் மகன் நித்திஷ் ஆதித்யா... கல்லூரி மாணவரான இவர் தீபாவளியன்று நண்பர்களுடன் விளையாடிவிட்டு காரில் வீடு திரும்பி உள்ளார். அவர் ஓட்டிய கார், தரமணி அருகே சென்ட்டர் மீடியனில் மோதி விபத்துக்குள்ளானது. இதில், மருத்துவமனைக்கு கொண்டு செல்லும் வழியில் நித்திஷ் ஆதித்யா உயிரிழந்தார். அவருடன் உடன் பயணித்த நண்பருக்கு காலில் எலும்பு முறிவு ஏற்பட்டது. இந்நிலையில் ராயப்பேட்டை அரசு மருத்துவமனையில் பிரேத பரிசோதனைக்குப் பின்னர் நித்திஷ் ஆதித்யா உடல் உறவினர்களிடம் ஒப்படைக்கப்பட்டது. சீட் பெல்ட் அணியாததால் தான் உயிரிழப்பு ஏற்பட்டதாக நித்திஷ் ஆதித்யா உறவினர் வருத்தத்துடன் கூறியுள்ளார்.