"தேர்தலுக்காக எனது குடும்பத்தின் மீது சேறு வீசப்படுகிறது" - நடிகர் நாசர் அறிக்கை

தேர்தலுக்காக தமது குடும்பத்தின் மீது சேறு வீசப்படுவதாக நடிகர் நாசர் தெரிவித்தார். அவர் வெளியிட்ட அறிக்கையில், தமது குடும்பம் சார்ந்த பிரச்சினை, ஊடகங்களில் வலம் வருவதாகவும், மத்திய சென்னை தொகுதியில் போட்டியிடும் தமது மனைவி கமீலாவுக்கு ஒட்டு போடக் கூடாது என்பதற்காக, குடும்பத்தை வீதிக்கு இழுப்பது கேவலம் எனவும் குறிப்பிட்டுள்ளார். வேட்பாளர் மீது சுமத்துவதற்கு பழி ஒன்றும் கிடைக்காத போது, வீசப்பட்ட சேறு, பொது வாழ்க்கைக்கு கிடைத்த பரிசென கருதுவதாகவும் அவர் தெரிவித்தார்.