பணியில் சேராத ஆசிரியர்கள், இன்று பணியில் சேர வந்தால் பழைய பள்ளிக்கு பதிலாக வேறு பள்ளிக்கு பணியிட மாறுதல் வழங்க வேண்டும் என பள்ளிக் கல்வித்துறை இயக்குனர் உத்தரவிட்டுள்ளார்.

12 ம் வகுப்பு செய்முறை தேர்வு உட்பட அனைத்து தேர்வுகளும் திட்டமிட்டபடி நடைபெறும் என தேர்வுத்துறை இயக்குனர் வசுந்தராதேவி தெரிவித்துள்ளார்.

ஜாக்டோ-ஜியோ அமைப்பினருக்கு அரசு தேர்வுத்துறை ஊழியர்கள் ஆதரவு தெரிவித்துள்ளனர்.

வேலூர் மாவட்டம் ராணிப்பேட்டை அருகே ஆசிரியர்கள் பள்ளிக்கு வராததால் வகுப்பறைகள் பூட்டப்பட்டிருந்தன. இதனால் குழந்தைகளை பள்ளிக்கு அழைத்து வந்த பெற்றோர்கள் ஆத்திரமடைந்தனர்.

சென்னை துரைப்பாக்கத்தில் உள்ள ஊராட்சி ஒன்றிய தொடக்கப் பள்ளிக்கு கடந்த நான்கு நாட்களாக ஆசிரியர்கள் வராததால் மாணவர்கள் சிரமம் அடைந்தனர்.

போராட்டம் நடத்தும் அரசு ஊழியர்களுடன் பேச்சுவார்த்தை நடத்தி உடனே தீர்வு காண வேண்டும் என திமுக தலைவர் ஸ்டாலின் வலியுறுத்தியுள்ளார்.

தற்காலிக ஆசிரியர் பணிக்கு விண்ணப்பிக்க நெல்லை மாவட்ட கல்வி அலுவலகத்தில் ஏராளமான பட்டதாரிகள் குவிந்தனர்.

கோவை முதன்மை கல்வி அலுவலகத்தில் இன்று மூன்றாவது நாளாக தற்காலிக ஆசிரியர் பணிக்கு விண்ணப்பங்கள் பெறும் பணி நடைபெற்று வருகிறது.

அரசு பள்ளிக்கு வந்த மாணவ, மாணவிகள் பெரும் சிரமத்துக்கு ஆளாகினர்.

அரசு ஊழியர்கள், ஆசிரியர்கள் போராட்டம் காரணமாக, தஞ்சை மாவட்டத்தில் பெரும்பாலான அரசு பள்ளிகளுக்கு ஆசிரியர்கள் பணிக்கு வரவில்லை.

அரசு ஊழியர்கள் மற்றும் ஆசிரியர்களின் வேலைநிறுத்தத்தால் பொதுமக்களும், ஏழை மாணவர்களும் கடுமையாக பாதிக்கப்பட்டுள்ளதாக பாமக நிறுவனர் ராமதாஸ் தெரிவித்துள்ளார்.

ஒருங்கிணைந்த கல்வி - உள்ளடங்கிய கல்வி திட்டத்தில் பணிபுரியும் சிறப்பு பயிற்றுநர்கள் மற்றும் இதர பணியாளர்களின் கோரிக்கைகளை நிறைவேற்ற தமிழக அரசு நடவடிக்கை எடுக்க வேண்டும் என தமாகா தலைவர் வாசன் வலியுறுத்தியுள்ளார்.