காவிரி ஆற்றில் வெள்ளம் பெருக்கெடுத்து ஓடி வரும் நிலையில் சிதம்பரத்தில் உள்ள பழைய கொள்ளிடம் ஆற்றிலும் தண்ணீர் கரைபுரண்டு ஓடி வருகிறது.

கொள்ளிடம் ஆற்று நீர், வீணாகக் கடலில் கலப்பதை தடுக்கும் வகையில், தடுப்பணைகள் கட்ட வேண்டும் என கரையோர மக்கள் கோரிக்கை விடுத்துள்ளனர்.

கொள்ளிடம் ஆற்றின் வழியே வரும் காவிரி நீர் எவ்வித பயனுமின்றி கடலில் கலந்து வருவதாக விவசாயிகள் வேதனை தெரிவித்துள்ளனர்.

கொள்ளிடம் ஆற்றில் வெள்ளப்பெருக்கு

பழைய கொள்ளிடம் மற்றும் கொள்ளிடம் ஆறுகளில் இரண்டாவது நாளாக வெள்ளம் கரைபுரண்டு ஓடுவதால் 3 கிராமங்கள் கடுமையாக பாதிக்கப்பட்டுள்ளன.

சீர்காழி அருகே பாயும் கொள்ளிடம் ஆற்றில், தடுப்பணை இல்லாததால்,சுமார் 25 முதல் 40 டிஎம்சி அளவிலான தண்ணீர் கடலில் வீணாக கலப்பதாக விவசாயிகள் குற்றஞ்சாட்டி உள்ளனர்.