மாட்டுவண்டி ஓட்டிய விஜயபாஸ்கர் ஆதரவு திரட்டிய கருப்பையாFlashback- இல் வந்து சென்ற மகாபாரத போர்

திருச்சி நாடாளுமன்றத் தொகுதியில் அதிமுக வேட்பாளர் கருப்பையா தீவிர பிரச்சாரம் மேற்கொண்டுள்ளார்...

திருச்சி கிழக்கு மற்றும் மேற்கு சட்டமன்றத் தொகுதியில் முன்னாள் அமைச்சர் விஜயபாஸ்கர் உடன் இணைந்து வேட்பாளர் கருப்பையா பொதுமக்களை நேரில் சந்தித்து வாக்குகளைச் சேகரித்தார்... இளங்காட்டு மாரியம்மன் கோவில், விநாயகர் நகர், மாந்தோப்பு விசுவாச நகர், திருநகர், ராம்ஜி நகர் உள்ளிட்ட பல்வேறு பகுதிகளில் அவர் தனக்கு ஆதரவு திரட்டினார். விஜயபாஸ்கர் மாட்டு வண்டி ஓட்ட கருப்பையா நின்று கொண்டு பொதுமக்களைச் சந்தித்து தனக்கு வாக்களிக்குமாறு பிரச்சாரம் செய்தது அனைவரையும் கவர்ந்தது... கிருஷ்ணர் மகாபாரதப் போரில் அர்ஜுனனுக்குச் சாரதியாக இருந்து பல்வேறு யோசனைகளைக் கூறியது போல் முன்னாள் அமைச்சர் விஜயபாஸ்கர் மாட்டு வண்டியை ஓட்டிய படியே தேர்தலை எதிர்கொள்ள வேட்பாளர் கருப்பையாவிற்கு பல்வேறு வியூகங்களை அமைத்து வருவதாக அதிமுகவினர் பெருமிதம் தெரிவித்தனர்.