தாய் சௌமியாவுக்காக மகள் அளித்த உறுதிமொழி... தர்மபுரி மக்கள் முடிவு என்ன?

தர்மபுரியில் போட்டியிடும் பாமக வேட்பாளர் சௌமியா அன்புமணிக்கு ஆதரவாக, அவரது மகள்கள் தீவிர வாக்கு சேகரிப்பில் ஈடுபட்டு வருகின்றனர். குறிப்பாக இரண்டாவது மகள் சங்கமித்ரா, குடியிருப்பு பகுதிகளில் வீடு வீடாக சென்று வாக்கு சேகரிப்பில் ஈடுபட்டார். பின்னர் கோட்டை சிவன் கோயிலுக்கு வந்திருந்த பக்தர்களிடம் துண்டு பிரசுரங்களை கொடுத்து, தனது தாயாருக்கு வாக்களிக்குமாறு வேண்டுகோள் விடுத்தார். தர்மபுரி மாவட்டத்தில் உள்ள குடிநீர் பிரச்சினை உட்பட அனைத்து கோரிக்கைகளையும், தனது தாயார் நிறைவேற்றி தருவார் என மக்களிடம் உறுதிமொழி அளித்தார்.