கட்சி துண்டுடன் வாக்குச் சாவடிக்கு வந்த காங்கிரஸ் கட்சியினர் - தட்டிக்கேட்ட பாஜக நிர்வாகி

புதுச்சேரி, ராஜ்பவன் பகுதியில் காங்கிரஸ் நிர்வாகிகளுக்கும், பாஜக நிர்வாகிகளுக்கும் இடையே மோதல் ஏற்பட்டு ஒருவரையொருவர் தாக்கிக் கொண்டனர். வாக்குச்சாவடிக்குள் காங்கிரஸ் நிர்வாகிகள் கட்சி துண்டுடன் நுழைந்ததால், இதனை பாஜக நிர்வாகிகள் தட்டிக்கேட்டுள்ளனர். கடைசி வரை கட்சித் துண்டை எடுக்க காங்கிரஸ் நிர்வாகிகள் மறுத்த நிலையில், இரு தரப்பினருக்குமிடையே தகராறு ஏற்பட்டு கைகலப்பானது பரபரப்பை ஏற்படுத்தியது.