"பாஜகவுக்கு தேர்தலில் சரியான பாடம் கற்பிக்க வேண்டும்" - எடப்பாடி பழனிசாமி பரபரப்பு கடிதம்
"பாஜகவுக்கு தேர்தலில் சரியான பாடம் கற்பிக்க வேண்டும்"
எடப்பாடி பழனிசாமி பரபரப்பு கடிதம்
#edappadipalanisamy #admk #tamilnadu #loksabhaelections2024 #thanthitv
பிரித்தாளும் சூழ்ச்சியில் ஈடுபட்டுள்ள பாஜகவுக்கு தேர்தலில் சரியான பாடம் கற்பிக்க வேண்டும் என்று அதிமுக பொதுச் செயலாளர் எடப்பாடி பழனிசாமி கூறியுள்ளார்.
இதுதொடர்பாக, அதிமுக நிர்வாகிகளுக்கும், தொண்டர்களுக்கும் அவர் கடிதம் எழுதியுள்ளார். அதில், பாஜக தேசிய கட்சியாக இருந்தாலும், மக்களை பிரித்தாளும் சூழ்ச்சியில் இறங்கி, அதிமுக குறித்து பொய் பிரச்சாரம் செய்வதையே முழுநேர பிரச்சாரமாக செய்து வருகிறார்கள் என்று குறிப்பிட்டுள்ளார். அதிமுகவை பிளவுப்படுத்த பாஜக எடுத்த பல்வேறு முயற்சிகளை முறியடித்து ஒன்றாக இருக்கிறோம் என்றும், வன்முறை வெறியாட்டங்களையும், வடக்கே இருந்து ஏவப்படும் விஷ அம்புகளையும், பார்த்துக்கொண்டுதான் இருக்கிறோம் என்றும் அவர் குறிப்பிட்டுள்ளார்.
நாம் வம்பு சண்டைக்கு போவதில்லை, ஆனால் வந்த சண்டையை விடுவதில்லை என்றும், அதிமுக எனும் சாது மிரண்டால், காடு கொள்ளாது என்பதை நம்மை சீண்டி பார்ப்பவர்கள் உணர்ந்து கொள்ளட்டும் என்றும் அவர் குறிப்பிட்டுள்ளார். பாஜக சில திடீர் தலைவர்களை ஊக்குவித்து நம்மை சீண்டி வருகிறது என்றும், அவர்களுக்கு சரியான பாடத்தை கற்பிக்கும் வகையில் அதிமுக தொண்டர்கள் தயங்காமல் செயல்பட வேண்டும் என்றும் அவர் கேட்டுக் கொண்டுள்ளார்