திடீரென வீடுகளுக்குள் புகுந்த மழைநீர் - அதிர்ச்சியில் திருப்பூர் மக்கள்

கனமழை காரணமாக திருப்பூர் மாவட்டம் பல்லடம் திருப்பூர் சாலையில் நொச்சிபாளையம் பிரிவு அருகே மழைநீர் பெருக்கெடுத்து ஓடியது. இதனால் வாகன ஓட்டிகள் மிகுந்த அவதி அடைந்தனர். இரு சக்கர வாகனத்தில் சென்றவர்கள் மழை நீரில் சிக்கி கொண்டனர். கரைப்புதூர் ஊராட்சிக்கு உட்பட்ட முல்லை நகரில் மழைநீருடன் கழிவுநீர் கலந்து 15க்கும் மேற்பட்ட வீடுகளுக்குள் புகுந்தது. அதை பொதுமக்களே வெளியேற்றினர். கழிவுநீர் கால்வாய் பணிகளை சரிவர முடிக்காததால் அடிக்கடி இதுபோல் நடப்பதாக பொதுமக்கள் குற்றம் சாட்டியுள்ளனர். பலமுறை புகாரளித்தும் நடவடிக்கை எடுக்கவில்லை என வேதனை தெரிவித்துள்ளனர்.