சீறி பாயும் வெள்ளத்தில் சடலத்தை தூக்கி செல்லும் அவலம்.. மனதை உலுக்கும் சோக வீடியோ

கன்னியாகுமரி அருகே, சாலையில் மழை நீர் பெருக்கெடுத்ததால், பெரும் சிரமத்துடன் இறுதி சடங்கிற்காக கிராம மக்கள் சடலத்தை தூக்கிச் சென்றனர். ராஜாக்கமங்கலம் அருகே காஞ்சிர விளைக்கு செல்லும் சாலையை ஒட்டி குறுகலான ஓடை உள்ளதால் சமீப நாட்களாக பெய்து வரும் மழை காரணமாக ஓடை நிரம்பி மழை நீர் சாலையில் பெருக்கெடுத்து பாய்ந்து கொண்டிருக்கிறது. இதனால், சாலையாக செல்லும் பாதசாரிகளும் வாகன ஓட்டிகளும் மிகவும் சிரமப்பட்டு வருகின்றனர். இதற்கு இடையே காஞ்சிரவிளை பகுதியைச் சேர்ந்த முதியவர் ஒருவர் உயிரிழந்த நிலையில், இறுதி சடங்கிற்கு கிராம மக்கள் சடலத்தை பெருக்கெடுத்து பாய்ந்த தண்ணீர் வழியாக தூக்கிச் சென்றனர். மாற்று வழி இல்லாத நிலையில் வெள்ளத்தில் மிகவும் சிரமத்தோடு சடலத்தை தூக்கி சென்ற காட்சி தற்போது சமூக வலைத்தளங்களில் வைரலாகி வருகிறது.