டெல்லியில் போராடும் விவசாயிகளுக்கு ஆதரவாக தஞ்சாவூரில் விவசாயிகள் ரயில் மறியலில் ஈடுபட்ட நிலையில், போலீசாருக்கும் விவசாயிகளுக்கும் இடையே தள்ளுமுள்ளு ஏற்பட்டதால் பரபரப்பு நிலவியது... அய்யாக்கண்ணு மற்றும் பி.ஆர்.பாண்டியன் தலைமையில் நூற்றுக்கும் மேற்பட்ட விவசாயிகள் ஆர்ப்பாட்டத்தில் ஈடுபட்டனர். பேரணியாக ரயிலை மறிக்க சென்ற விவசாயிகளை காவல்துறையினர் தடுத்து நிறுத்தினர். விவசாயிகளுக்கும் காவல்துறையினருக்கும் இடையே தள்ளுமுள்ளு ஏற்பட்டது. தடுப்புகளை தள்ளிவிட்டு தண்டவாளத்தில் சோழன் எக்ஸ்பிரஸ் ரயில் முன்பு அமர்ந்து மறியல் போராட்டத்தில் ஈடுபட்டனர். இதனால் திருச்சியில் இருந்து செல்லும் சோழன் விரைவு சிறிது நேரம் காலதாமதமாக புறப்பட்டது. இதனையடுத்து போராட்டத்தில் ஈடுபட்டவர்களை போலீசார் கைது செய்தனர்.