திருநங்கையின் உயர் லட்சியம்.. உதவிக்கரம் நீட்டிய போலீஸ்.. நெகிழ வைத்த தென்காசி இன்ஸ்பெக்டர்

போட்டித் தேர்வுகளுக்கு படிப்பதற்காக திருநங்கைக்கு உதவிக்கரம் நீட்டிய செங்கோட்டை காவல் ஆய்வாளருக்கு பாராட்டுகள் குவிந்து வருகின்றன... தென்காசி சங்கரன் கோவிலைச் சேர்ந்த திருநங்கை வானதி அரசுத் தேர்வுக்காக படிக்க செங்கோட்டை காவல் ஆய்வாளர் பாலமுருகனை சந்தித்து உதவி கோரிய நிலையில், அவருக்கு உதவிக்கரம் நீட்டிய பாலமுருகன், தென்காசி தனியார் பயிற்சி மையத்தில் அவருக்கு இடம் வாங்கித் தந்து போட்டி தேர்வுக்கான புத்தகங்களை வழங்கியுள்ளார்... மேலும் தடம் மாறி போகாமல் நன்கு படித்து அரசு பணியில் சேர வேண்டும் என்று வானதிக்கு அறிவுரை வழங்கி வாழ்த்து தெரிவித்துள்ளார். காவல் ஆய்வாளர் பாலமுருகனின் இந்த செயல் பொதுமக்களிடையே பெரிதும் பாராட்டுகளை பெற்றுள்ளது.