தடமின்றி அடித்து செல்லப்பட்ட தரைப்பாலம்.. தினம் தினம் அச்சத்துடன் கடக்கும் மக்கள்

ஏற்காட்டில் இருந்து சுமார் 8 கிலோ மீட்டர் தொலைவில் உள்ளது புத்தூர் மலை கிராமம். இந்த கிராமத்தில் உள்ள தரை பாலம் ஃபெஞ்சல் புயலின் போது உடைந்து விட்டது. இதனால், புளியங்கடை, புத்தூர், மருதையங்காடு, சாலாபாரை,சேட்டுகாடு உள்ளிட்ட 8 கிராமங்களுக்கான சாலை துண்டிக்கப்பட்டது. ஒருமாதகலாம் ஆகியும் இந்த பாலம் சீரமைக்கப்படாததால், தற்காலிக மரப்பாலம் அமைக்கப்பட்டுள்ளது. இருப்பினும் இந்த தற்காலிக மரப்பாலத்தை கடக்க பொதுமக்கள் அச்சப்படுகின்றனர். விரைந்து செயல்பட்டு, தரைப்பாலத்தை சீரமைத்து தரவேண்டும் என மலை கிராம மக்கள் கோரிக்கை வைத்துள்ளனர்.