மாணவர்களின் உயிரை பறித்த `1 மணி'... கண்ணிமைக்கும் நொடியில் நடந்த கொடூரம்

சேலத்தில் இருந்து கன்னியாகுமரி நோக்கி சென்று கொண்டிருந்த கார் ஒன்று, சேலம், பனமரத்துப்படி அருகே சாலையோரம் நின்றிருந்த லாரி மீது மோதி விபத்துக்குள்ளானது. நள்ளிரவு 1 மணியளவில் நடந்த இந்த விபத்தில், புதுச்சேரி மகாத்மா காந்தி மருத்துவ கல்லூரி மாணவர்களான கெளதம் மற்றும் காம்கோ ஆகியோர் பரிதாபமாக உயிரிழந்தது பெரும் சோகத்தை ஏற்படுத்தியது. விபத்தில் மற்றொரு மாணவரான தரன் என்பவர் அதிர்ஷ்டவசமாக உயிர் தப்பிய நிலையில், போலீசார் அவரிடம் விசாரணை நடத்தினர். அப்போது, விபத்தில் உயிரிழந்த காம்கோவின் வீட்டிற்கு செல்வதற்காக மாணவர்கள் கன்னியாகுமரி நோக்கி சென்றதும், காரை மாணவர்கள் மதுபோதையில் இயக்கியதும் தெரியவர, போலீசார் மேலும் விசாரணை நடத்தி வருகின்றனர்.