ஓபிஎஸ்-க்கு வந்த அழைப்பு - தொண்டர்கள் முன் ஒரே மேடையில்... பண்ணை வீட்டில் முக்கிய ஆலோசனை

வரும் 24ம் தேதி தேனியில் நடைபெறும் முன்னாள் முதல்வர் ஜெயலலிதாவின் பிறந்த நாள் பொதுக் கூட்டத்தில் அமமுக பொதுச்செயலாளர் டிடிவி தினகரனுடன் ஓபிஎஸ் ஒன்றாக மேடையேறவுள்ளார்...தேனியில் அமமுக பொதுச்செயலாளர் டிடிவி தினகரன் கலந்து கொள்ளும் பொதுக் கூட்டத்தில் ஒபிஎஸ்-க்கும் அழைப்பு விடுக்கப்பட்டு உள்ளது. இந்த அழைப்பினை ஏற்று ஓபிஎஸ், டிடிவி தினகரனுடன் இணைந்து பங்கேற்கவுள்ளார்... இந்த பொதுக் கூட்டத்திற்காக இன்று தேனி மாவட்டம் பெரியகுளம் அருகே கைலாச பட்டியில் ஓபிஎஸ் தனது பண்ணை வீட்டில் நகரச் செயலாளர்கள், ஒன்றிய செயலாளர்கள் மற்றும் மாவட்ட நிர்வாகிகளுடன் ஆலோசனை நடத்தினார். இந்த கூட்டத்திற்கு அதிக கட்சியினரைத் திரட்டி வர வேண்டும் என்று ஓபிஎஸ் தனது அணிக்கு வேண்டுகோள் விடுத்தார்.