தம்பியை ஓட ஓட விரட்டி... வெட்டி வீசிய அண்ணன்... அதிர்ச்சியில் உறைந்த ஊர்... கிருஷ்ணகிரியை அலறவிட்ட கொடூரம்

சொத்து தகராறில், உடன் பிறந்த தம்பியை கூட்டாளிகளுடன் சேர்ந்து அண்ணன் ஓட ஓட விரட்டி வெட்டிக் கொலை செய்த சம்பவம் அதிர்ச்சியை ஏற்படுத்தியுள்ளது.

கிருஷ்ணகிரி மாவட்டம் சூளகிரி அடுத்த லாலிக்கல் கிராமத்தை சேர்ந்தவர் தேவராஜ். இவரது அண்ணன் மஞ்சுநாத். இருவருக்குமிடையே அடிக்கடி சொத்து தகராறு ஏற்பட்டு முன்விரோதம் இருந்து வந்ததாக கூறப்படுகிறது. சம்பவத்தன்று சானமாவு என்னுமிடத்தில் தன் விளை நிலத்தை சமன் செய்து கொண்டிருந்த தேவராஜூடன் அவரது அண்ணன் மஞ்சுநாத் தன் கூட்டாளிகளுடன் வந்து தகராறு செய்துள்ளார். இதில், தேவராஜை ஓட ஓட விரட்டி இரும்புராடால் தாக்கியும், அரிவாளால் வெட்டியும் கும்பல் கொலை செய்தது பெரும் அதிர்ச்சியை ஏற்படுத்தியது. தகவலின் அடிப்படையில் சம்பவ இடத்திற்கு வந்த போலீசார், தீவிர விசாரணை நடத்தி வரும் நிலையில், தேவராஜின் அண்ணன் மஞ்சுநாத் மற்றும் அவரது கூட்டாளிகளை வலை வீசி தேடி வருகின்றனர்.