திண்டுக்கல் மாவட்டம் ஆவாரம்பட்டி டாஸ்மாக் கடைக்கு வந்த போதை இளைஞர், இரும்பு வலையை உடைத்து அட்டகாசத்தில் ஈடுபட்டார். ஓசியில் மதுபானம் வழங்க வலியுறுத்தி வாய் தகராறில் ஈடுபட்ட அவர், டாஸ்மாக் கடையில் இருந்து ஊழியர்களை வெளியேறுமாறு அலம்பல் செய்தார். மிகவும் தகாத வார்த்தைகளால் டாஸ்மாக் ஊழியர்களை வசைபாடினார். இது தொடர்பான வீடியோ தற்போது சமூக வலைதளத்தில் வேகமாக பரவி வரும் நிலையில், சம்பந்தப்பட்ட இளைஞர் பால்பாண்டி மீது தாடிக்கொம்பு காவல்நிலையத்தில் டாஸ்மாக் ஊழியர்கள் புகார் அளித்துள்ளனர்.