அரசுப் பேருந்து மோதி நொறுங்கிய கார்.! பலூனால் தப்பிய உயிர்கள்..! ஈரோட்டில் பயங்கரம்..!

ஈரோடு மாவட்டம் சத்தியமங்கலம் அருகே, அரசுப் பேருந்து மீது கார் மோதிய விபத்தில், ஒரே குடும்பத்தைச் சேர்ந்த 3 பேர் காயத்துடன் உயிர்தப்பினர். சத்தியமங்கலத்தில் இருந்து கோவைக்கு 40-க்கும் மேற்பட்ட பயணிகளுடன் அரசுப் பேருந்து சென்று கொண்டிருந்தது. நல்லூர் மாதேஸ்வரன் கோவில் அருகே, வளைவில் திரும்பியபோது, எதிரே வேகமாக வந்த கார், ஓட்டுநரின் கட்டுப்பாட்டை இழந்து பேருந்து மீது மோதியது. இதில் சாலையோர பள்ளத்தில் கார் கவிழ்ந்தது. ஏர்பேக் இருந்ததால் காரை ஓட்டி வந்தவர் லேசான காயத்துடன் உயிர் தப்பினார். காரில் இருந்த முதியவர் மற்றும் 13 வயது சிறுவன் காயமடைந்தனர். கார் ஓட்டுநர் தூக்க கலக்கத்தில் இருந்ததால் விபத்து ஏற்பட்டதாக கூறப்படுகிறது. விபத்து குறித்து போலீசார் விசாரணை மேற்கொண்டு வருகின்றனர்.