நடிகர் விஜய்யின் தமிழக வெற்றிக் கழக கட்சியில் சேரும் புதிய உறுப்பினர்களின் எண்ணிக்கை ஒரு கோடியை நெருங்கியுள்ளது.

நடிகர் விஜய்யின் தமிழக வெற்றிக் கழக கட்சியில் சேரும் புதிய உறுப்பினர்களின் எண்ணிக்கை ஒரு கோடியை நெருங்கியுள்ளது.

நடிகர் விஜய் தமிழக வெற்றிக் கழகம் என்ற கட்சியை தொடங்கி, 2026-ஆம் ஆண்டு சட்டமன்ற தேர்தலை இலக்காக கொண்டு, புதிய உறுப்பினர்கள் சேர்க்கையை தீவிரப்படுத்த வேண்டும் என உத்தரவிட்டிருந்தார். அறிவிப்பு வெளியான சில தினங்களிலேயே லட்சக்கணக்கான இளைஞர்களும், பெண்களும் கட்சியில் இணைந்தனர். முடங்கிய சர்வரை மீண்டும் சரிசெய்த நிலையில், உறுப்பினர்கள் எண்ணிக்கை 75 லட்சத்தை கடந்தது. சமீபத்தில் மாநாடு நடத்தி கட்சியின் கொள்கைகளை விஜய் அறிவித்த நிலையில், கட்சியில் சேர மேலும் பலர் ஆர்வம் காட்டி வந்தனர். இந்நிலையில் த.வெ.க. கட்சியில் சேரும் புதிய உறுப்பினர்களின் எண்ணிக்கை இன்னும் சில நாட்களில் ஒரு கோடியை எட்டும் என எதிர்பார்க்கப்படுகிறது. சில மாதங்களிலேயே விஜய் கட்சியின் உறுப்பினர்களின் எண்ணிக்கை ஒரு கோடியை நெருங்குவது, மற்ற அரசியல் கட்சிகளுக்கு அதிர்ச்சியை ஏற்படுத்தியுள்ளது.