வடகிழக்கு பிராந்தியத்தின் விளையாட்டு உட்கட்டமைப்பு வசதிகள் குறித்த கேள்விக்கு மத்திய விளையாட்டுத்துறை அமைச்சர் அனுராக் தாகூர் பதிலளித்துள்ளார். அதில், இந்தியாவின் முதல் விளையாட்டு பல்கலைக்கழகம் மணிப்பூரில் அமைக்கப்பட உள்ளதாகவும், சுமார் 643 கோடி ரூபாய் மதிப்பீட்டில் அதிநவீன பல்கலைக்கழகம் கட்டப்படும் என்றும் அவர் தெரிவித்துள்ளார். வடகிழக்கு மாநிலங்களில் ஏற்கனவே 227 கேலோ இந்தியா மையங்கள் அமைக்கப்பட்டு, விளையாட்டுத் திறமைகளை அதிகரிப்பதற்கான சூழலை உருவாக்கித் தந்துள்ளதாகவும் அவர் தெரிவித்தார். வடகிழக்கு பிராந்தியத்தில் விளையாட்டு உட்கட்டமைப்பை மேம்படுத்த 75 திட்டங்களை மத்திய அரசு மேற்கொண்டு உள்ளதாகவும், அவர் தெரிவித்துள்ளார்.