இடி மின்னலுடன் விட்டு வெளுத்தெடுத்த கனமழை.. புதுக்கோட்டையில் மிதக்கும் வீடுகள் - தத்தளிக்கும் மக்கள்

இடி மின்னலுடன் விட்டு வெளுத்தெடுத்த கனமழை.. புதுக்கோட்டையில் மிதக்கும் வீடுகள்

#pudukottai #tnrainfall #rainupdate #thanthitv

புதுக்கோட்டை மாவட்டத்தில் இரவு நேரத்தில் வெளுத்து வாங்கிய கனமழையால், பல்வேறு பகுதிகள் வெள்ளக்காடானது.

புதுக்கோட்டையில் இரவு நேரத்தில் ஒன்றரை மணிநேரத்திற்கும் மேலாக இடியுடன் மின்னலுடன் கூடிய கனமழை பெய்தது. இதனால், சாலைகள் முழுக்க தண்ணீர் பெருக்கெடுத்து ஓடி, போக்குவரத்து பாதிக்கப்பட்டது.

பல்வேறு பகுதிகளில் வரத்து வாய்க்கால்கள் முறையாக தூர்வாரப்படாததால், மச்சுவாடி, ஜீவா நகர், காமராஜபுரம், உசிலங்குளம் உள்ளிட்ட குடியிருப்பு பகுதிகளில் வெள்ள நீர் சூழ்ந்தது. இதனால் வீடுகளுக்குள் கழிவுநீர், குப்பைகள் கலந்த மழைநீர் புகுந்தது. இது குழந்தைகள், பெண்கள், பெரியவர்களை மிகவும் அவதிக்குள்ளாக்கியது.