'ஜெயிலர்' படத்தின் டிக்கெட் முன்பதிவு தொடக்கம்..சில நிமிடங்களிலேயே விற்றுத்தீர்ந்த முதல்நாள் டிக்கெட்டுகள்

ரஜினிகாந்த் நடிப்பில் நெல்சன் இயக்கத்தில் உருவாகியுள்ள 'ஜெயிலர்' திரைப்படம் வரும் 10ஆம் தேதி திரையரங்குகளில் வெளியாக உள்ளது. இதை முன்னிட்டு 'ஜெயிலர்' படத்தின் டிக்கெட் முன்பதிவு விறுவிறுப்பாக தொடங்கி நடைபெற்று வருகிறது. முன்பதிவு தொடங்கிய சில நிமிடங்களிலேயே ஏராளமான திரையரங்குகளில் முதல்நாள் டிக்கெட்டுகள் விற்று தீர்ந்து விட்டதாக தகவல்கள் வெளியாகி உள்ளன. அமெரிக்கா, இங்கிலாந்து உள்ளிட்ட வெளிநாடுகளிலும் டிக்கெட் விற்பனை சூடுபிடித்துள்ள நிலையில், முதல்நாள் வசூலில் 'ஜெயிலர்' திரைப்படம் சாதனை செய்யும் என திரையுலக வட்டாரங்கள் தெரிவித்துள்ளன.