விஜய் போல் டாட்டா சொல்ல போகிறாரா AK? ஷாலினி பதிவால்... ஜாலி பிளஸ் ஷாக்கில் ரசிகர்கள்

நடிகர் அஜித் மீண்டும் கார் பந்தயங்களில் பங்கேற்க ஆயத்தமாகி விட்டதாக, அவரது மனைவி ஷாலினி வெளியிட்ட பதிவு அவரது ரசிகர்களை உற்சாகமடைய வைத்திருக்கிறது...

கோலிவுட்டில் டாப் நடிகராகவும், பிரமாண்ட ரசிகர் பட்டாளத்துடனும் இருக்கும் நடிகர் அஜித்... கார் மற்றும் பைக் பந்தயங்களில் அதீத விருப்பம் கொண்டவர்...

இளம் வயதில் இருந்தே பந்தயங்களிலும், பயணங்களிலும் ஆர்வம் கொண்ட அஜித், பல கார் ரேஸ்களில் பங்கேற்றுள்ளார்..

படங்களில் நடிப்பதை விட ரேஸுக்கு கிளம்பி விடுவார் என விமர்சனங்கள் ஒருபக்கம் சுற்றி வந்தாலும் சினிமா, ரேஸ் என இரண்டையும் பக்காவாக பேலன்ஸ் செய்வதில் கைதேர்ந்தவர் அஜித்..

தற்போது, விடா முயற்சி குட் பேட் அக்லி, திரைப்படத்தில் பிசியாக இருக்கும் அவர், மற்றொரு புறம் தனது பயணத்தையும் தொடர்ந்து வருகிறார்..

அண்மையில், பயணம் செய்வது குறித்து அவர் பேசியிருந்த வீடியோ இணையத்தில் படு வைரலானது...

இந்நிலையில் தான் நடிகர் அஜித்தின் காதல் மனைவியான ஷாலினி இன்ஸ்டாகிராமில் பதிவு ஒன்றை வெளியிட்டார்..

அதில், நீங்கள் மீண்டும் ரேஸிங்கில் ஈடுபடுவதை கண்டு மகிழ்ச்சி கொள்வதாக தெரிவித்த அவர், அஜித்தின் குழுவுக்கும் வாழ்த்து தெரிவித்து பதிவிட்டிருந்தார்..

அப்போது தான் கார் பந்தயங்களில் பங்கேற்க தனியாக குழு ஒன்றை அவர் உருவாக்கியுள்ளது தெரியவந்திருக்கிறது..

Formula BMW Asia, British Formula 3 மற்றும் FIA F2 உள்ளிட்ட கார் பந்தயங்களில் பங்கேற்றுள்ள நடிகர் அஜித், வருங்காலங்களில் இன்னும் பல பந்தயங்களில் கலந்து கொள்வார் என்றும் தகவல்கள் வெளியாகியுள்ளது...

அத்துடன் தனது தாயகத்தில் கார் பந்தயத்தை ஊக்குவிக்கும் வகையில் எண்ணற்ற முயற்சிகளை அவர் செய்து வருவதாக பேசப்பட்டு வர, பல இளம் திறமையாளர்களையும் அவர் ஊக்குவித்து வருவது குறிப்பிடத்தக்கது...

கோலிவுட்டில் கொடிகட்டி பறந்த அஜித், தனது கார் பந்தய கெரியரிலும் கொடிகட்டி பறப்பார் என்பதில் ஐயமில்லை என்ற சூழலில், அவரை ரேஸராக பார்க்க ஆவலுடன் காத்துக் கொண்டிருக்கின்றனர் அவரது ரசிகர்கள்..