நேருக்கு நேர் மோதிக்கொண்ட கார்கள் - மூன்றாவதாக மோதிய வேன் - திருப்பூரில் பயங்கரம்

தாராபுரம் அருகே 2 கார்களும், வேனும் மோதிக்கொண்ட விபத்தில், தாய் - மகன் உயிரிழந்தது சோகத்தை ஏற்படுத்தியுள்ளது. திருப்பூர் மாவட்டம் மணக்கடவு பகுதியில், 2 கார்கள் நேருக்கு நேர் மோதிக்கொண்டுள்ளன. பின்னர் அந்த கார்கள் வேன் ஒன்றின் மீது மோதியதில், வேன் கட்டுப்பாட்டை இழந்து மரத்தின் மேல் மோதியுள்ளது. இந்த விபத்தில், சரவணன் என்பவரும் அவரது தாய் தேவி என்பவரும் உயிரிழந்தனர். மேலும் இந்த விபத்தில் 10 பேர் காயங்களுடன் உயிர் தப்பினர். விபத்து தொடர்பாக போலீசார் விசாரணை நடத்தி வருகின்றனர்.