ரவுடிக்கு ஸ்கெட்ச் போட்ட இளைஞர்கள் - பட்டாக் கத்தியுடன் சிக்கியதால் அதிர்ச்சி

செங்கல்பட்டு அருகே, இருசக்கர வாகனத்தில் கத்தியோடு சுற்றித் திரிந்த 5 இளைஞர்களை, போலீசார் கைது செய்துள்ளனர். இராட்டிணங்கிணறு பகுதியில், செங்கல்பட்டு நகர காவல்துறையினர் வாகன சோதனையில் ஈடுபட்டிருந்தார். அப்போது, அவ்வழியே இரண்டு இருசக்கர வாகனங்களில் வந்த 5 பேரை நிறுத்தி விசாரித்ததில், முன்னுக்கு பின் முரணாக பதில் அளித்துள்ளனர். இதனிடையே, அவர்களிடம் தீவிர விசாரணை மேற்கொண்டதில், கே.கே.நகர் பகுதியை சேர்ந்த ரவுடி ஒருவரை, கொலை செய்ய பட்டாக் கத்தியுடன் சென்றது தெரியவந்தது. இதனைத் தொடர்ந்து, அவர்களை போலீசார் கைது செய்து சிறையில் அடைத்தனர்.